డాక్టర్‌ బి.ఆర్‌ అంబేద్కర్ కోనసీమ జిల్లాలోని రాజోలు ప్రాంతంలో ఉప ముఖ్యమంత్రి పవన్ కళ్యాణ్ పర్యటనలో ఆందోళనకరమైన సంఘటన చోటు చేసుకుంది. ఆ సమయంలో ఉప ముఖ్యమంత్రి కుటుంబ సభ్యుల చుట్టూ సంబంధం లేని ఒక వ్యక్తి అనుమానాస్పదంగా తిరుగుతున్నట్లు భద్రతా సిబ్బంది గమనించారు. ఈ విషయాన్ని తీవ్రంగా పరిగణించిన అధికారులు, ఆ వ్యక్తి అక్కడ ఎందుకు ఉన్నాడు, అతని ఉద్దేశ్యాలు ఏమిటనే దానిపై తక్షణమే దర్యాప్తు ప్రారంభించారు. జిల్లా ఎస్‌పీ ఈ సంఘటనను గమనించి, వెంటనే ఉప ముఖ్యమంత్రి కార్యాలయానికి సమాచారం అందించారు. ఇప్పటికే ఆ వ్యక్తి నేపథ్యంపై లోతైన విచారణ జరుగుతున్నట్లు తెలుస్తోంది.